Page 26 - Ninetta e le altre

E ddocu di la grasta chi vidistivu nèsciri? ’na gran quantità di fati cu àbbiti e gioj sparaggiati. Cu’ la lava, cu’ la strizza, cu’ la vesti: ’nta un mumentu l’hannu vistutu di tuttu puntu, cu li so’ guleri, li so’ brillanti e li so’ petri priziusi. Ddoppu ca fu un pezzu d’oru, si misi ’n’ carrozza, junci a palazzu e acchiana; comu trasi, tutti la talìanu alluccuti. Lu Riuzzu la canuscíu, e cci lu dissi a lu Re; ddoppu va e si la pigghia sutta lu vrazzu e cci spija: – «Signura, comu stati?» – «Comu ’mmernu.» – «Comu vi chiamati?» – «Cu lu nnomu.» – «Unni stati?» – «Nna la casa cu la porta.» – «Nni quali strata?» – «Nna la vanedda di lu pruvulazzu.» – «Chi siti curiusa! mi faciti mòriri.» – «Putiti cripari!» Abballanu tutta la siritina. Lu Riuzzu stancava, ma idda ’un stancava, cà era ’nfatata. Comu f nisci la festa idda scinni, e si metti ‘n carrozza, f ci cacciari li cavaddi, e ’ntra quattru botti fu a la casa. Comu junci, dici: «Gràttula, beddàttula, Spogghia a Nina, E falla com’era assira.» E ddocu si trova spugghiata e vistuta di li robbi di casa. Tornanu li soru: – «Ninetta, Ninetta, chi bedda festa! Cc’era ’na signura ch’assimigghiava tutta a tia. Si nuàtri ’un sapìamu ca tu eri ccà, dicèvamu ch’eri tu.» – «Ma dumani assira cci ha’ a vèniri, sai!» Lu ’nnumani assira li soru accuminzaru a siddiari a Ninetta pi jiri cu iddi, ma Ninetta ’un ni vosi sèntiri nenti. E si nni jeru. Comu nèscinu, Ninetta va nna la grasta. Com’è vistuta di tuttu puntu, si metti ’n carrozza e va a palazzu. Comu junci, tutti la talìanu alluccuti, e massimamen- ti li so’ soru e sò patri. Curri lu Riuzzu tuttu cuntenti e la ’mmita a ’bballari cu iddu. Idda cci dici sì, e abballanu tutta la siritina. Finisci la festa e Ninetta si nni va di li primi. Coma junci a la casa ‘nta un vìdiri e svìdiri havi canciati li robbi e torna vistuta di casa. Vennu li soru: – «Ninetta, Ninetta, chi bedda festa!» – «Ma chi mi cuntati a mia? – cci dici Ninetta – io m’allienu cu la mè grasta e ’un cercu nè festi nè balli.» – «Sì, ma domani assira cci ha’ a vèniri...» 24