Page 23 - Ninetta e le altre

Ninetta (Sicilia) a vota c’era un mircanti; stu mircanti avia tri f gghi f mmini, ca eranu spuntuliddi: la cchiù granni si chiamava Rosa, la mizzana Giuvannina, e la nica Ninetta, ed era la cchiù bedda di tutti. ’Na jurnata a stu mircanti cci veni di fari ’na gran mircanzia, e s’arricogghi a la casa siddiatu. – «Chi ’Navi papà?» cci dicinu li f gghi. – «Nenti, f gghi mei: mi veni ’na gran mircanzia, e nun pozzu falla p’ un lassari a vuatri suli.» – «E vossia chi si cunfunni?» cci dici la granni; «vossia nni fa la pruvista pi tuttu lu tempu ch’havi a mancari: nni fa murari li porti, e quannu piaci a Diu nni videmu cu saluti.» Lu patri accussì fa: cci fa pruvisti di manciarizzi ’n quantitati, e poi cci ordina a unu di li so’ criati ca ogni matina s’affacciassi di la vanedda, chiamassi a la cchiù granni di li so’ f gghi, e cci facissi tutti li survizza di fora. Poi si licinziau, e cci dissi a la f gghia granni: – «Rosa, tu chi vôi purtatu?» – «Tri bell’àbbiti di culuri diff renti» cci arrispunni idda.» – «Tu Giuvannina?» – «Zoccu voli vassía.» – «E tu Ninetta?» – «Io vogghiu purtata ’na bella rama di gràttuli ’nta ’na grasta d’argentu; e si vassía ’un mi la porta, chi lu bastimentu ’un pozza jiri nè nn’avanti, nè nn’arreri.» – «Ah sbriugnata! cci dicinu li soru, sta sorti di gastima cci man ni a tò patri?» – «Nenti, rispunni lu patri, nun vi nni faciti, ca è picciridda, e s’havi a cumpàtiri.» Dunca lu patri si licenzia e parti e junci a lu paisi prupiziu; fa lu gran niguziuni: e poi pensa d’accattari tri bell’àbbiti pi Rosa, tri bell’àbbiti pi Giuvannina; e chi si scorda? la rama di gràttuli pi Ninetta. Comu si ’mmarca e si trova ’mmenzu mari, si nni veni ’na timpesta tirribbili: saitti, lampi, trona, acqua, marusu, ca lu bastimentu ’un potti jiri cchiù nè nn’avanti nè nn’arreri. 21